YMWELIADAU Â CHYMRU

24 Tachwedd

26 Tachwedd

Ymweliad â Chymru gan Gynrychiolydd Cyffredinol Wallonia-Brwsel

Ymwelodd y cynrychiolydd cyffredinol â Chymru ar gyfer Wythnos Tech Cymru a chynnal cyfres o gyfarfodydd. Yn ystod yr ymweliad, cyfarfu'r cynrychiolydd cyffredinol ag Ysgrifennydd y Cabinet dros Dai a Llywodraeth Leol i drafod ôl-osod tai.

Ymweliad â Chymru gan Lysgennad Ffrainc i'r DU

Ymwelodd Llysgennad Ffrainc i'r DU â Chymru i ginio i dros 80 o westeion yng Nghastell Caerdydd. Roedd Ysgrifennydd y Cabinet dros yr Economi yn cyd-gynnal a siarad yn y digwyddiad. Y diwrnod canlynol, aeth y Llysgennad gyda'r Prif Weinidog ar ymweliad â Thales yng Nglynebwy, lle cynhaliwyd cyfarfod dwyochrog ar amrywiaeth o faterion domestig a rhyngwladol.

YMWELIADAU Â GWLEDYDD ERAILL

13 Tachwedd

14 Tachwedd

Ymweliad y Gweinidog Diwylliant â'r Swistir a Liechtenstein

Teithiodd y Gweinidog Diwylliant i'r Swistir i ddigwyddiad Canmlwyddiant Richard Burton i goffáu etifeddiaeth Richard Burton, gan gynnwys dadorchuddio plac treftadaeth yn ei hen gartref. Yna teithiodd y Gweinidog ymlaen i Liechtenstein ar gyfer gemau rhagbrofol cwpan y byd Cymru.

Derbyniad y Dirprwy Brif Weinidog gyda'r Corfflu Diplomyddol

Cynhaliodd y Dirprwy Brif Weinidog dderbyniad i'r Corfflu Diplomyddol yn Llundain i hyrwyddo Cymru a'r Uwchgynhadledd Fuddsoddi.